news-details
കവിത

സമാധാനത്തിന്‍ ചിറകൊച്ചകള്‍

കുരിശിലേറ്റപ്പെട്ട ഒരു നക്ഷത്രം
ആകാശത്തുനിന്നും
താഴേക്ക് നോക്കുന്നു.
ഭൂമിയിലാകെ
മിന്നിമിന്നി കണ്‍തുറക്കുന്ന
നക്ഷത്രക്കൂടാരങ്ങള്‍.
ആകാശ നക്ഷത്രം
മണ്ണിലെ നക്ഷത്രങ്ങളെ നോക്കി
ചിരിക്കുന്നു.
ചിരിയില്‍ അലിഞ്ഞുപോവുന്നു
മുള്‍ക്കിരീടത്തിന്‍
നോവും പാടുകള്‍.
അകലെനിന്നും
ഒഴുകിയെത്തുന്ന
കരോള്‍ സംഗീതത്തില്‍
ആ ചിരിയും ഒന്നായിച്ചേരുന്നു.
കൈവെള്ളയിലെ
കുന്തമുനയാഴങ്ങളില്‍ നിന്നും
ചോരയില്‍ കുളിച്ചു
പറന്നണയുന്നു  
സമാധാനത്തിന്‍ ചിറകൊച്ചകള്‍.

You can share this post!

നിറങ്ങള്‍

സിജിന്‍ കുഴിപ്പീടികയില്‍
അടുത്ത രചന

എനിക്കൊട്ടും ഭയമില്ല

ജയപ്രകാശ് എറവ്
Related Posts