പാലിയേറ്റീവ് കെയര്‍ - വൈദ്യ പരിചരണത്തിലെ ഈ കാലഘട്ടത്തിന്‍റെ ആവശ്യം
വിട്ടുമാറാത്ത രോഗങ്ങളുള്ള അല്ലെങ്കില്‍ മാരകമായ രോഗങ്ങളാല്‍ വലയുന്ന രോഗികളുടെ ആവശ്യങ്ങള്‍ നിറവേറ്റുന്ന ഒരു സമഗ്ര പരിചരണമാണ് പാലിയേറ്റീവ് കെയര്‍ എന്നത് കൊണ്ട് അര്‍ത്ഥമാക്കുന്നത്. നമ്മുടെ സമൂഹത്തില്‍ കഠിനമായ രോഗാവസ്ഥ അനുഭവിക്കുന്ന രോഗികളുടെ പരിചരണത്തിന് നിലവിലുള്ള ആരോഗ്യ പരിരക്ഷാ സൗകര്യങ്ങള്‍ പരിമിതമായ പങ്ക് മാത്രമേ വഹിക്കുന്നുള്ളൂ. ഈ അവസരത്തില്‍ പാലിയേറ്റീവ് കെയര്‍ ഇന്നത്തെ ഒരു ആവശ്യമായി മാറി യിരിക്കുന്നു. നമ്മുടെ സമൂഹത്തില്‍ മിക്ക ടെര്‍മി നല്‍ അസുഖമുള്ള രോഗികളും അവരുടെ കുടുംബ ത്തിനും അയല്‍ക്കാര്‍ക്കുമിടയില്‍ ആയി ജീവിതം ചെലവഴിക്കുന്നു. അതിനാല്‍ അവരുടെ നിരന്തര മായ പരിചരണത്തിനായി ഒരു മള്‍ട്ടി ഡിസിപ്ലിനറി ടീമിന്‍റെ ആവശ്യം ഏറെയാണ്. പാലിയേറ്റീവ് കെയര്‍ ടീമുകളില്‍ ജോലി ചെയ്യുന്ന ജനറല്‍ പ്രാക്റ്റീഷണര്‍മാര്‍, ടെര്‍മിനല്‍ അസുഖമുള്ള മിക്ക ആളുകള്‍കളും ഹോം കെയറാണ് ഏറ്റവും ഇഷ്ടപ്പെടുന്നതെന്ന് അഭിപ്രായപ്പെടുന്നു. കൂടാതെ ഹോം കെയര്‍ നല്ല സാമൂഹിക അധിഷ്ഠിത സേവ നങ്ങളെ ആശ്രയിച്ചിരിക്കുന്നു. അതിനാല്‍ സാന്ത്വന പരിചരണ പരിശീലനത്തില്‍ കഴിവുള്ള ഒരു പൊതു പ്രാക്ടീസ് വര്‍ക്ക്ഫോഴ്സ്, രോഗികളെ ഉള്‍ക്കൊ ള്ളാന്‍ തയ്യാറായി മുന്നോട്ടു വന്നിരിക്കുകയാണ്.
പാലിയേറ്റീവ് കെയര്‍ വോളന്‍റീയേഴ്സ് എങ്ങനെയുള്ളവരാവണം?
പ്രാദേശിക അറിവും നല്ല പൊതു സമ്പര്‍ക്കവും അതോടൊപ്പം തന്നെ പ്രാഥമിക പരിചരണ രംഗത്ത് നല്ല പ്രാവീണ്യം നേടിയവരും ആയിരിക്കണം. അവര്‍ സാധാരണയായി ഒരേ പ്രദേശത്ത് നിന്നുള്ള വരായതിനാല്‍ നല്ല പൊതു സമ്പര്‍ക്കം വഴി രോഗി സമൂഹവും പുറംലോകവും തമ്മിലുള്ള അന്തരം കുറയ്ക്കാന്‍ സാധിക്കുന്നു. അതുവഴി പാലിയേറ്റീവ് കെയര്‍ എന്ന ടീം വര്‍ക്കില്‍ അവര്‍ക്ക് കാര്യമായ സംഭാവനകള്‍ നല്‍കാനും കഴിയുന്നു.
സമ്പൂര്‍ണ്ണ വൈദ്യ പരിചരണത്തിന് ഒരു മുന്നു പാധിയായി പാലിയേറ്റിവ് കെയര്‍ കണക്കാ ക്കപ്പെടുന്നു. നന്നായി വിലയിരുത്തി നോക്കുകയാ ണെങ്കില്‍ നിലവിലുള്ള ആരോഗ്യസംരക്ഷണ മേഖലകള്‍ക്ക് ടെര്‍മിനല്‍ ആരോഗ്യപ്രശ്നങ്ങള്‍ ഉള്ളവരെ പരിപാലിക്കുന്നതിനു പരിമിതികള്‍ അധികമാണ്. ഇന്ത്യയില്‍, നിലവിലുള്ള മെഡി ക്കല്‍, ഹോസ്പിസ് സംവിധാനങ്ങള്‍ക്ക് ജീവി തത്തെ പരിമിതപ്പെടുത്തുന്ന രോഗങ്ങളുള്ള ഭൂരി ഭാഗം പേരുടെയും ജീവിതനിലവാരം ഉറപ്പുനല്‍ കാനുള്ള കഴിവില്ല. ടെര്‍മിനല്‍ അസുഖമുള്ള രോഗികള്‍ക്ക് ഒരു മള്‍ട്ടി ഡിസിപ്ലിനറി ടീമും നിരന്തരമായ പരിചരണവും ആവശ്യമാണ്. ഇത് സാന്ത്വന പരിചരണത്തിന്‍റെ ആവശ്യകതയിലേക്ക് നയിക്കുന്നു.
ചികിത്സിക്കാനാവാത്ത ഘട്ടങ്ങളില്‍ എത്തിപ്പെ ടുന്ന രോഗികള്‍ക്ക് നല്‍കാവുന്ന ഏറ്റവും അനു യോജ്യമായ ചികിത്സാരീതിയാണ് പാലിയേറ്റീവ് കെയര്‍. തീവ്രപരിചരണവും കരുതലും നല്കുന്നതു വഴി പാലിയേറ്റീവ് കെയര്‍ ഏതൊരു രോഗിക്കും സാന്ത്വനത്തിന്‍റെ ഒരു കരസ്പര്‍ശം സമ്മാനിക്കുന്നു. സാന്ത്വന പരിചരണത്തില്‍ സംസ്ഥാനം കൈവരിച്ച വമ്പിച്ച പുരോഗതി മാരകമായ രോഗികളുടെ ജീവിതാവസാനം കൂടുതല്‍ സഹിക്കാവുന്നതാക്കി മാറ്റി. രാജ്യത്തെ മൊത്തം പാലിയേറ്റീവ് കെയര്‍ സേവനങ്ങള്‍ എടുത്തു നോക്കുകയാണെങ്കില്‍ 80% കേരളത്തിലാണ് സാധ്യമായിരിക്കുന്നത്. ഇതിലൂടെ 30% സേവനം അര്‍ഹിക്കുന്ന രോഗികളിലേക്കും കേരളത്തില്‍ പാലിയേറ്റീവ് കെയര്‍ എത്തുന്നു.
അതേസമയം ഇന്ത്യയിലെ മൊത്തം സേവനം കണക്കെടുക്കുകയാണെങ്കില്‍ രോഗികളില്‍ എത്തുന്ന പാലിയേറ്റീവ് കെയറിന്‍റെ ശതമാനം വെറും 2% മാത്രമാണ്. അതുകൊണ്ടു തന്നെ മാരകമായ രോഗങ്ങളാല്‍ കഷ്ടപ്പെടുന്ന രോഗികളെ പരിചരിക്കാനുള്ള കേരളത്തിന്‍റെ ശ്രമങ്ങള്‍ ലോകത്തിന്‍റെ മറ്റു ഭാഗങ്ങളില്‍ ഒരു മാതൃകയായി കണക്കാക്കപ്പെടുന്നു. ഏഷ്യയില്‍ പാലിയേറ്റീവ് കെയര്‍ പോളിസി ആദ്യമായി അവതരിപ്പിച്ച സംസ്ഥാന സര്‍ക്കാരാണ് കേരള സര്‍ക്കാര്‍.
സാന്ത്വന പരിചരണ മേഖലയില്‍ മതിയായ നയ വികസനത്തിനും ഫലപ്രദമായ പ്രോഗ്രാം നടപ്പാക്കലിനും വേണ്ടി വാദിക്കേണ്ടതുണ്ട്. പാലിയേറ്റീവ് കെയര്‍ സേവനങ്ങളുടെ ഗുണഭോക്താക്കളില്‍ 50% കാന്‍സര്‍ രോഗികളാണ്. ശേഷിക്കുന്ന ഗ്രൂപ്പുകളില്‍ സ്ട്രോക്ക് അതിജീവി ച്ചവര്‍, അല്‍ഷിമേഴ്സ്, ടെര്‍മിനല്‍ വൃക്ക സംബന്ധ മായ രോഗങ്ങള്‍, കരള്‍ സംബന്ധമായ രോഗ ങ്ങള്‍, വിട്ടുമാറാത്ത ആര്‍ത്രൈറ്റിക്സ്, വാര്‍ദ്ധക്യ ത്തിലെ കടുത്ത പോഷകാഹാരക്കുറവു മൂലം അവശരായ രോഗികള്‍ മുതലായവര്‍ ഉള്‍പ്പെടുന്നു. വലിയ വൈദ്യചെലവാണ് രോഗികള്‍ നേരിടുന്ന പ്രധാന പ്രശ്നം. ഇവിടെ ഡോക്ടര്‍മാര്‍ നല്‍കുന്ന പ്രധാന വൈദ്യസഹായം എന്നത് മരുന്നുകള്‍ നിര്‍ദ്ദേശിക്കുക എന്നതാണ്. വൈകാരികമായ സ്നേഹബന്ധത്തിലൂടെയും സഹാനുഭൂതിയിലൂ ടെയും രോഗികളുടെ കഷ്ടപ്പാടുകള്‍ കുറയ്ക്കുവാന്‍ അവര്‍ പരിശ്രമിക്കുന്നു. പരിശീലനം ലഭിച്ച സ്റ്റാഫ് നഴ്സുമാരുടെ ഇടതടവില്ലാത്ത സ്നേഹം, അനുക മ്പയുള്ള പരിചരണം എന്നിവയ്ക്ക് പുറമേ മരുന്നു കള്‍ നല്‍കുന്നതിനും അവരുടെ അടിസ്ഥാന ദൈനംദിന ആവശ്യങ്ങള്‍ നിറവേറ്റാനും പാലി യേറ്റീവ് കെയര്‍ സെന്‍ററുകള്‍ സഹായകരമാവുന്നു.
പൂര്‍ണ്ണമായ പാലിയേറ്റീവ് കെയര്‍ സേവനത്തി നുള്ള ആവശ്യകത എന്താണ്?
* അനേകം രോഗികളുടെ അനിയന്ത്രിതമായ രോഗലക്ഷണങ്ങളും അതേ തുടര്‍ന്ന് സംഭവിക്കുന്ന തികച്ചും അവഗണിക്കപ്പെട്ട രീതിയിലുള്ള മരണം.
* രോഗികള്‍ക്ക് അവരുടെ ഇഷ്ടാനുസരണം അത്യധികം അന്തസ്സോടെ മരിക്കാന്‍ പ്രാപ്തരാക്കു ന്നതിനായിട്ടുള്ള പശ്ചാത്തലം ഒരുക്കി കൊടുക്കണം.
* ഒരു വ്യക്തി അയാളുടെ അവസാന നിമിഷങ്ങളിലേക്കു എത്തി ചേര്‍ന്നിരിക്കുന്നു എന്നത് വളരെ പ്രാധാന്യം അര്‍ഹിക്കുന്ന ഒരു വസ്തുതയാണ്. തികഞ്ഞ ക്ലിനിക്കല്‍ വൈദഗ്ദ്ധ്യം ഇതിനു തീര്‍ത്തും ആവശ്യമാണ്.
* മാരണാസന്നരായ രോഗികളെ പരിചരി ക്കുന്നതിന് ജനറിക് ഹെല്‍ത്ത് കെയര്‍ തൊഴിലാ ളികളെ ശാക്തീകരിക്കുക എന്നതാണ് സ്പെഷ്യ ലിസ്റ്റ് പാലിയേറ്റീവ് കെയറിന്‍റെ പ്രധാന ലക്ഷ്യ ങ്ങളിലൊന്ന്.
* മരണാസന്നരായ രോഗികളുടെ പരിചര ണവുമായി ബന്ധപ്പെട്ട പ്രധാന വസ്തുതകള്‍ പ്രസക്തമായ എല്ലാ ആരോഗ്യപരിപാലന വിദഗ്ധരുടെയും പരിശീലനത്തില്‍ ഉള്‍പ്പെടുത്തേണ്ടതാണ്.
* മരണാസന്നനായ രോഗിയുടെ പരിചരണത്തിനായുള്ള ദേശീയ നിര്‍ദ്ദേശങ്ങള്‍ കണ്ടെത്തി നിരീക്ഷണ വിധേയമാകുകയും ചെയ്യണം.
നമ്മുടെ സമൂഹത്തിലേക്ക് ഒന്ന് തിരിഞ്ഞു നോക്കിയാല്‍ അറിയാം പലപ്പോഴും മരണത്തിന്‍റെ ആഘാതം തികച്ചും ലഘൂകരിച്ചാണ് കാണി ക്കുന്നത്. രോഗലക്ഷണ നിയന്ത്രണം, മനഃശാസ്ത്ര പരമായ പിന്തുണ, മരണസംരക്ഷണം എന്നിവ യ്ക്കുള്ള മാര്‍ഗ്ഗനിര്‍ദ്ദേശങ്ങള്‍ ഉള്‍പ്പെടെ, മരിക്കുന്ന ആളുകളുടെ പരിചരണത്തെ സഹായിക്കുന്നതിന് തെളിവുകള്‍ അടിസ്ഥാനമാക്കിയുള്ള മാര്‍ഗ്ഗനിര്‍ദ്ദേ ശങ്ങള്‍ ഇപ്പോള്‍ നിലവിലുണ്ട്.
എന്നിരുന്നാലും അനിയന്ത്രിതമായ ലക്ഷണങ്ങളാല്‍ ദുരിതമനുഭവിക്കുന്ന രോഗികളും മരണം ആസന്നമായിരിക്കുന്ന സമയത്തു പോലും അനുഭ വിക്കേണ്ടി വരുന്ന ദുരിതങ്ങളും അതിനും ഉപരി യായി അവരുടെ ജീവിതത്തിലെ ദുര്‍ബലമായ ഈ സമയത്ത് ബന്ധുക്കള്‍ക്ക് ലഭിക്കാതെ വരുന്ന പിന്തുണ എന്നിവയൊക്കെ ഇന്നും തുടര്‍ന്ന് പോരുന്നു. ഇതെല്ലാം സര്‍വ്വസാധാരണമായി കണ്ടു പോരുന്ന ഒരു അവസ്ഥയില്‍ എത്തിയിരിക്കു കയാണ് നമ്മുടെ സമൂഹം. മരണാസന്നനായ വ്യക്തിക്ക് നല്ല മരണം ഉറപ്പാക്കേണ്ടത് ആരോഗ്യ സംരക്ഷണ വിദഗ്ധര്‍ക്ക് മാത്രമല്ല, നമ്മള്‍ അടങ്ങി യിരിക്കുന്ന പൊതു സമൂഹത്തിനും കൂടെ ഒരു വെല്ലുവിളിയാണ്.
എന്നിരുന്നാലും, മരിക്കുന്നത് നിര്‍ണ്ണയിക്കുന്നത് പലപ്പോഴും സങ്കീര്‍ണ്ണമായ പ്രക്രിയയാണ്.
ഒരു ഹോസ്പിറ്റലിനെ സംബന്ധിച്ചു ഒരു രോഗിയുടെ അവസാനനിമിഷം വരെയും രോഗശ മനം മുഖ്യമായും പ്രധാനപട്ടികയില്‍ ചേര്‍ത്തിരിക്കു ന്നതിനാല്‍ രോഗിയുടെ സുഖസൗകര്യങ്ങളുടെ ചെലവില്‍ കടന്നുകയറ്റപ്പെടുന്ന നടപടിക്രമങ്ങള്‍, പരിശോധനകള്‍, ചികിത്സകള്‍ എന്നിവ തുടരാം.
രോഗാവസ്ഥയില്‍ മാറ്റം ഒന്നും തന്നെ ഇല്ലാതിരിക്കുകയും, ജീവിതത്തിലേക്ക് ഒരു തിരിച്ചു വരവ് അനിശ്ചിതത്വത്തിലായിരിക്കുമ്പോള്‍, രോഗിക്കും കുടുംബത്തിനും തെറ്റായ പ്രതീക്ഷ നല്‍കുന്നതിനേക്കാള്‍ ശാന്തമായ മരണം എന്നതി നെക്കുറിച്ചു ചര്‍ച്ച ചെയ്യുന്നതാണ് നല്ലത്. ഇത് സാധാരണയായി ഡോക്ടര്‍-രോഗി ബന്ധത്തിലെ ഒരു ശക്തിയായി കണക്കാക്കുകയും വിശ്വാസം വളര്‍ത്താന്‍ സഹായിക്കുകയും ചെയ്യുന്നു.
മരണത്തിന്‍റെ പ്രധാന ലക്ഷണങ്ങളും പ്രതീ കാത്മകമായ വസ്തുതകളും തിരിച്ചറിയുന്നത് ഒരു പ്രധാന ക്ലിനിക്കല്‍ കഴിവായി കണക്കാക്കപ്പെടുന്നു.
ഇത് നിര്‍ണയിക്കുന്നത് രോഗിയുടെ പ്രവര്‍ത്തനപരമായ നില ക്രമേണ കുറയുന്നതിന് മുന്നോടിയായിട്ടാണ്.
അവ ഇനി പറയുന്നവയാണ്:
* രോഗി ശയ്യാവലംബമായ അവസ്ഥയെ തരണം ചെയ്യാതെ വരുന്നു.
*രോഗി പാതി അബോധാവസ്ഥയില്‍ ആയിരി ക്കുന്ന അവസ്ഥ.
* രോഗിക്ക് ദ്രാവകരൂപത്തിലുള്ളവ മാത്രം അല്ലാതെ മറ്റൊന്നും ഉള്ളിലേക്ക് എടുക്കാന്‍ കഴിയാതെ വരുന്നു.
* മരുന്നുകള്‍ ഒന്നും വായിലൂടെ കഴിക്കാന്‍ സാധിക്കാതെ വരുന്നു.
മരിക്കുന്നത് നിര്‍ണ്ണയിക്കുന്നതിനുള്ള ഏറ്റവും പ്രധാനപ്പെട്ട ഘടകം രോഗിയെ പരിചരിക്കുന്ന മള്‍ട്ടിപ്രൊഫഷണല്‍ ടീമിലെ അംഗങ്ങള്‍ രോഗി മരിക്കാന്‍ സാധ്യതയുണ്ടെന്ന് സമ്മതിക്കുന്നു എന്നതാണ്. ടീം അംഗങ്ങള്‍ക്ക് വിയോജിപ്പു ണ്ടെങ്കില്‍, രോഗീപരിചരണത്തില്‍ ആശയക്കുഴപ്പ ങ്ങള്‍ സൃഷ്ടിക്കും.
മരണാസന്നരായ രോഗികളെ പരിചരിക്കുന്ന തില്‍ പരിശീലനം ലഭിച്ചിട്ടില്ലാത്തതിനാല്‍ ഹെല്‍ത്ത് കെയര്‍ പ്രൊഫഷണലുകള്‍ ചിലപ്പോള്‍ മരിക്കുന്നത് നിര്‍ണ്ണയിക്കാന്‍ വിമുഖത കാണി ക്കുന്നു. ഇതിന്‍റെ ഒരുദാഹരണമാണ് രോഗിയെ ഒറ്റപ്പെട്ട മുറിയിലേക്ക് മാറ്റുകയും രോഗിയില്‍ നിന്നും ബന്ധുക്കളില്‍ നിന്നും അകലുകയും ചെയ്യുന്നു. അത്തരമൊരു സാഹചര്യത്തില്‍, രോഗിക്കും ബന്ധുക്കള്‍ക്കും ശാരീരികവും മാനസികവും സാമൂഹികവും ആത്മീയവുമായ പരിചരണം നല്‍കിക്കൊണ്ട് "തീവ്രമായ സാന്ത്വന പരിചരണ" ത്തിന്‍റെ ഹോസ്പിസ് മാതൃക നടപ്പാക്കേണ്ടതുണ്ട്.
കൃത്യമായുള്ള പരിചരണത്തില്‍ നിന്നും പാലിയേറ്റീവ് കെയറിലേക്കുള്ള മാറ്റം എപ്പോള്‍, എങ്ങനെ?
രോഗികള്‍ തികച്ചും ശാരീരികമായി ദുര്‍ബലമാകുമ്പോള്‍ വായിലൂടെ മരുന്നുകള്‍ കഴിക്കുന്നത് കൂടുതല്‍ ബുദ്ധിമുട്ടാണ്. അതുകൊണ്ട് അനിവാ ര്യമല്ലാത്ത മരുന്നുകള്‍ നിര്‍ത്തണം. തുടരേണ്ട മരുന്നുകളായ ഒപിയോയിഡുകള്‍, ആന്‍സിയോലി റ്റിക്സ്, ആന്‍റിയമെറ്റിക്സ് എന്നിവ സബ്ക്യുട്ടേ നിയസ് റൂട്ടിലേക്ക് പരിവര്‍ത്തനം ചെയ്യുകയും ഉചിതമെങ്കില്‍ തുടര്‍ച്ചയായ ഇന്‍ഫ്യൂഷന് ഉപയോ ഗിക്കുന്ന സിറിഞ്ച് ഡ്രൈവര്‍ ഉപയോഗിക്കുകയും ചെയ്യാം. മുന്‍കൂട്ടി സമ്മതിക്കപ്പെട്ട പ്രോട്ടോക്കോള്‍ അനുസരിച്ച് ആവശ്യമായ സബ്ക്യുട്ടേനിയസ് മരുന്നുകള്‍ (വേദനയ്ക്കും പ്രക്ഷോഭത്തിനും ഉള്ളവ ഉള്‍പ്പെടെ)നിര്‍ദ്ദേശിക്കാവുന്നതാണ്. രക്തപരിശോധനയും ശരീരത്തിന്‍റെ സ്ഥിതിവിവര ക്കണക്കുകള്‍ നിരീക്ഷിക്കുന്നതും അവ അടിക്കടി പരിശോധിക്കുന്നതും നിര്‍ത്തലാക്കണം. തെളി വുകള്‍ പരിമിതമാണെങ്കിലും മരിക്കുന്ന രോഗിയില്‍ കൃത്രിമ ദ്രാവകങ്ങള്‍ തുടരുന്നത് പരിമിതമായ പ്രയോജനമാണെന്നും മിക്ക കേസുകളിലും ഇത് നിര്‍ത്തലാക്കണമെന്നും സൂചിപ്പിക്കുന്നു. മരിക്കുന്ന ഘട്ടത്തിലുള്ള രോഗികളെ "കാര്‍ഡിയോപള്‍മോ ണറി പുനര്‍-ഉത്തേജന" ത്തിന് വിധേയമാക്കരുത്, കാരണം അത്തരമൊരു സാഹചര്യത്തില്‍ ഇത് നിരര്‍ത്ഥകവും അനുചിതമായതുമായ വൈദ്യചികി ത്സയാണ്. ഈ സെന്‍സിറ്റീവ് സമയത്ത് പരിചരണ ത്തെക്കുറിച്ചുള്ള ചര്‍ച്ച സുഗമമാക്കുന്നതിന് രോഗികള്‍ക്കും ബന്ധുക്കള്‍ക്കും മുന്‍കൂട്ടി നിര്‍ദ്ദേശം നല്‍കുന്നതും ഒരുപാട് സഹായകമാവും.
പതിവായി നിരീക്ഷണങ്ങള്‍ നടത്തുകയും വേദനയുടെയും പ്രക്ഷോഭത്തിന്‍റെയും നിയന്ത്രണം ഉള്‍പ്പെടെ നല്ല രോഗലക്ഷണ നിയന്ത്രണം നിലനിര്‍ത്തുകയും വേണം. മരിക്കുന്ന രോഗിയില്‍ വായയുടെ ചലനത്തിലുള്ള വ്യതിയാനങ്ങള്‍ ശ്രദ്ധിക്കേണ്ടതാണ്. വെള്ളം കുടിക്കാന്‍ അല്ലെങ്കില്‍ ഒരു സ്പോഞ്ച് ഉപയോഗിച്ച് രോഗിയുടെ ചുണ്ടുകള്‍ നനച്ചു കൊടുക്കാന്‍ കുടുംബത്തെ പ്രോത്സാഹി പ്പിക്കാം. മൂത്രവിസര്‍ജ്ജനം അല്ലെങ്കില്‍ മൂത്രം പോകാതെ ഇരിക്കുന്ന അവസരമാണെങ്കില്‍, കത്തീറ്ററൈസേഷന്‍ ആവശ്യമായി വന്നേക്കാം. മലവിസര്‍ജ്ജനത്തിനുള്ള നടപടിക്രമങ്ങള്‍ മരിക്കുന്ന ഘട്ടത്തില്‍ വളരെ അപൂര്‍വമായി മാത്രമേ ആവശ്യമുള്ളൂ.
പാലിയേറ്റീവ് കെയറിന്‍റെ ഭാഗമായി ആവശ്യ മായ മരുന്നുകള്‍ രോഗിയുടെ വീട്ടില്‍ എളുപ്പത്തില്‍ എത്തിക്കുന്ന വിധത്തിലുള്ള സജ്ജീകരണങ്ങള്‍ ചെയ്യേണ്ടതുണ്ട്. ഇരുപത്തിനാല് മണിക്കൂര്‍ നേഴ്സിംഗ് സേവനങ്ങള്‍ ലഭ്യമാക്കണം, ജനറല്‍ പ്രാക്ടീഷണറുടെ സഹകരണത്തോടെ രോഗിക ളുടെ പരിചരണത്തിന്‍റെ തുടര്‍ച്ച ഉറപ്പാക്കണം. വീട്ടില്‍ മരിക്കുന്ന രോഗികളെ സഹായിക്കുന്നതിനും ആശുപത്രിയില്‍ അനുചിതമായ പ്രവേശനം തടയുന്നതിനുമായി സമൂഹത്തില്‍ നൂതന മോഡലുകള്‍ വികസിപ്പിച്ചെടുത്തിട്ടുണ്ട്.
രോഗിയുടെ അവസ്ഥയെക്കുറിച്ചുള്ള കുടുംബ ത്തിന്‍റെ ഉള്‍ക്കാഴ്ച വിലയിരുത്തുകയും മരണ ത്തെയും മരണവുമായി ബന്ധപ്പെട്ട പ്രശ്നങ്ങള്‍ ഉചിതമായും സംവേദനക്ഷമമായും പരിശോധി ക്കുകയും വേണം. രോഗി മരണാസന്നനാണ്, വേഗം മരിക്കും എന്നതാണ് ക്ലിനിക്കല്‍ വ്യാഖ്യാനം എന്ന് കുടുംബത്തോട് പറയണം. "മെച്ചപ്പെടില്ലായി രിക്കാം" പോലുള്ള അവ്യക്തമായ ഭാഷ ഉപയോഗി ക്കുന്നത് തെറ്റായ വ്യാഖ്യാനത്തിനും ആശയക്കുഴപ്പ ത്തിനും ഇടയാക്കും.
മിക്കവാറും അവസരങ്ങളില്‍ ദുഃഖിതരായ ബന്ധുക്കള്‍ ശബ്ദമുയര്‍ത്തി പ്രതികരിക്കുന്നതിന്‍റെ കാരണം എന്തെന്നാല്‍, ആരും തങ്ങളോട് തങ്ങളുടെ പ്രിയപ്പെട്ടയാള്‍ മരിക്കുന്നു എന്ന വസ്തുത ചര്‍ച്ച ചെയ്തില്ല എന്നതാണ്. രോഗി മരിക്കുകയാണെന്ന് ബന്ധുക്കളോട് വ്യക്തമായി പറഞ്ഞാല്‍ അവര്‍ക്ക് ചോദ്യങ്ങള്‍ ചോദിക്കാനും രോഗിയോടൊപ്പം നില്‍ക്കാനും വിടപറയാനും പ്രസക്തമായ ആളുകളുമായി ബന്ധപ്പെടാനും മരണത്തിന് സ്വയം തയ്യാറാകാനും അവസരം ലഭിക്കുന്നു. പാലിയേറ്റീവ് കെയറിലായിരിക്കുന്ന മരിക്കുന്ന രോഗികളുടെ ബന്ധുക്കള്‍ക്ക് കോണ്‍ടാക്റ്റ് ടെലിഫോണ്‍ നമ്പറുകള്‍ നല്‍കണം, അതുവഴി അവര്‍ക്ക് 24 മണിക്കൂര്‍ അടിസ്ഥാനത്തില്‍ സഹായത്തിനും ഉപദേശം തേടുന്നതിനും അവസരം കൂടെ ലഭിക്കുന്നു.
ഓര്‍ക്കുക മരണം നമ്മില്‍ നിന്നും പ്രിയപ്പെട്ട വരെ അടര്‍ത്തി എടുക്കുമ്പോള്‍, അവരുടെ അവ സാന നിമിഷങ്ങളില്‍ നമുക്ക് കൊടുക്കാവുന്നതു സ്നേഹസാന്ത്വനം നിറഞ്ഞ പരിചരണം മാത്ര മാണ്. ശാന്തമായ നിത്യതയിലേക്ക് കടന്നുപോ കാന്‍ മറ്റുള്ളവരെ സഹായിക്കുന്നു എന്നതാണ് പാലിയേറ്റീവ് കെയര്‍ സെന്‍ററുകള്‍ മുഖമുദ്രയായി സ്വീകരിച്ചിരിക്കുന്നത്. കാരണം ചികിത്സയ്ക്ക് ഒരു അവസാനമുണ്ട്, പക്ഷേ പരിചരണത്തിന് അവസാനമില്ല.
(October 9th- World Palliative and Hospice day)
Senior Consultant Neurosurgeon
VPS Lakeshore Hospital, Kochi
- August 01, 2024
വലിയ മുതലാളിയുടെ രസതന്ത്രങ്ങള്‍
- June 01, 2024
മരുപ്പച്ച തേടുന്നവരും നേടുന്നവരും!
- May 01, 2024
